Селена Гомез: Сакам постари мажи

Селена Гомез крена многу прав со својот изглед на неодамнешната ревија на „Викторија Сикрет“, што американските таблоиди го оценија како обид на 23-годишната пејачка да се ослободи од имиџот на „слатко девојче“. 

На ваквите тврдења се надоврза и самата Селена, која во една изјава призна дека сака да се дружи со постари мажи.

– Сакам да излегувам со постари мажи, но изгледам како да имам 16 година, изјави Селена.

Таа при тоа ги демантираше гласините дека имала „куса авантура“ со Зајн Малик, кој во моментов е лудо вљубен во нејзината пријателка, манекенката Гиги Хадид.

Селена во изјавата не кажа ништо за нејзиното поранешно момче Џастин Бибер, иако таблоидите објавија дека неодамна тие биле видени заедно на вечера и на прошетка.