Селена Гомез го најави новиот албум со вереникот Бени Бланко

Селена Гомез ги изненади своите фанови со објавата на својата нова песна „Scared of Loving You“, во пресрет на Денот на вљубените, заедно со својот вереник Бени Бланко. Оваа песна е и првиот сингл од нивниот заеднички албум „I Said I Love You First“, кој во целост ќе биде објавен на 21 март.

„Албумот ја слави нивната љубовна приказна и им дава на фановите уникатен увид во нивната врска“, се вели во официјалната изјава на претставниците на Гомез и Бланко. „Тоа настана спонтано, како резултат на креативна врска и заемно уживање во заедничката работа. Преку музиката, тие автентично ја раскажаа својата приказна – од моментите пред да се сретнат, преку заљубувањето, до погледот кон иднината.“

View this post on Instagram

A post shared by Selena Gomez (@selenagomez)

Во новата песна „Scared of Loving You“, Селена Гомез и Бени Бланко емотивно ја изразуваат својата љубов. Тие ја напишаа песната заедно со FINNEAS, познатиот продуцент и брат на Били Ајлиш.

Музичката двојка ја започна својата врска во тајност неколку месеци пред јавно да ја потврди својата романса во декември 2023 година. Свршувачката ја објавија во декември 2024 година, а сега љубовта ја преточија во музика преку нивниот прв заеднички проект откако станаа пар.

View this post on Instagram

A post shared by Selena Gomez (@selenagomez)

Ова не е прв пат Гомез и Бланко да ги здружуваат музичките сили. Пејачката работеше со Бланко во 2015 година на нејзиниот албум „Revival“ за нејзините синглови „Kill Em with Kindness“ и „Same Old Love“. Двојката соработуваше и на неговата песна од 2019 година „I Can’t Get Enough“ и нејзината песна од 2023 година „Single Soon“.

Гомез ја паузираше својата музичка кариера во последните неколку месеци за да го промовира мјузиклот „Емилија Перез“ во режија на Жак Аудиар. Како актер и продуцент, Гомез доби признание за нејзината работа со повеќе номинации за Еми, SAG и Златен глобус. Таа неодамна ја доби својата прва номинација за БАФТА за улогата на Џеси Дел Монте во „Емилија Перез“, филмот со најмногу номинации за Оскар оваа година.

Новиот сингл на музичкото дуо е достапен на сите стриминг сервиси, а ве очекува и во продолжение: