Адријана Лима предупредува: Жртва сум на измама, не барам пари од обожавателите!

Адријана Лима на Инстаграм откри дека станала жртва на измама, предупредувајќи ги сите да не наседнуваат на тоа.

Според нејзината објава, некој се претставува како неа на ТикТок и бара од луѓето пари.

„Ова лице нуди подароци, а потоа бара пари, информации за кредитна картичка и домашна адреса. Бидете внимателни и не споделувајте никакви лични или финансиски информации. Адријана Лима лично не контактира со обожавателите за да понуди подароци и да бара исплати“, се вели во нејзината објава.

На крајот, таа додаде дека секој што ќе наиде на гореспоменатиот профил веднаш да ја пријави измамата.