Адријана Лима се омажи: Mанекенката ја објави радосната вест и ги покажа бурмите

Супермоделот Адријана Лима се омажи за Андре Лемерс.

Адријана Лима се огласи на Инстаграм и објави дека се омажила за долгогодишниот партнер Андре Лемерс, со кој има син.

Имено, таа објави фотографија од нивните раце на кои се гледаат бурмите. Адријана неодамна сподели фотографии од патувањето во Абу Даби, каде навидум е направена фотографијата од прстените.

„Официјално госпоѓа Лима Лемерс AKA Лимерс“, напиша манекенката на фотографијата.

Лима претходно беше во брак со поранешниот српски кошаркар Марко Јариќ и со него има две ќерки Валентина и Сијена. Адријана и Андре се заедно од 2021 година и имаат едно заедничко дете – синчето Сајен. Андре исто така има две деца од претходниот брак.