Драган Бјелогрлиќ и Бред Пит: „60 години на Балканот и во Холивуд“

Неколку дена по финалето на Вимблдон, главна тема и понатаму, сосема неочекувано, е младешкиот изглед на Бред Пит, кој е на прагот да наполни 60 години.

Неговото затегнато лице и кожа на вратот е тема на безброј написи и шеги на социјалните мрежи. Од сега веќе класичната „Сите старееме, само Бред Пит се ажурира“ до сè повеќе духовити шеги кои вклучуваат добро познати лица.

Така на Твитер се шири споредбата на 59-годишниот Бред и исто толку стариот Драган Бјелогрлиќ.

60 godina na Balkanu i u Holivudu pic.twitter.com/jmmrj0kYvb

— alexbelgrade (@alexbelgrade) July 18, 2023

„60 години на Балканот и во Холивуд“, е описот покрај фотографиите, на кои реагираше и самиот Бјелогрлиќ.

„Гледам ова е хит…“, напиша тој на својот Инстаграм и самиот ја сподели оваа шега.

Да потсетиме, холивудскиот актер се појави на финалето на Вимблдон, во кое Новак Ѓоковиќ беше поразен од Шпанецот Карлос Алкараз.

Оние кои го гледаа актерот и режисерот повеќе од возбудливиот натпревар, беа шокирани од неговиот неверојатно младешки изглед. Иако наскоро би требало да наполни 60 години, Бред изгледа како млад човек во своите дваесетти.