Џеј Ло има свој заштитник: Бен Афлек се судри со агресивен обожавател

На аеродромот Марко Поло во Венеција, на пат кон дома, еден обожавател одлучи да не ги почитува правилата и премногу и се приближил на Џенифер Лопез, но Бен Афлек веднаш застанал да ја одбрани.

Тогаш реагирало и обезбедувањето, а Бен загрижено ја прашал Џенифер дали е добро. Сепак, латино дивата не дозволила ситуацијата да ја вознемири премногу. Дури и со насмевка на лицето му се заблагодарила на персоналот на аеродромот за помошта и заминала со Бен.

Џенифер Лопез и Бен Афлек беа во центарот на вниманието на премиерата на неговиот нов филм „The Last Duel“ на Филмскиот фестивал во Венеција. Тие за прв пат се појавија како двојка на црвениот тепих, по обновувањето на љубовниот однос.

52-годишната актерка блескаше во бел фустан со впечатлива декорација од Жорж Хобеика. Нејзиниот стајлинг беше надополнет со накит од Картие и сребрени сандали од Џими Чу.