Шоубиз

Започна Канскиот филмски фестивал: Роберт де Ниро ја доби Златната палма

Од

Објавено на мај 14, 2025

78. издание на Канскиот филмски фестивал официјално започна вчера, а во натпреварувачката програма на овој фестивал вклучени се 19 филмови.

Имено, во трката се етаблирани режисери како Вес Андерсон и браќата Дарден, како и млади режисери кои се само на почетокот на своите кариери, меѓу кои и Ари Астер. Оваа година се натпреваруваат шест режисерки: Јулија Дукурно, Кели Рајхарт, Хафсија Херци, Карла Симон, Чие Хајакава и Маша Шилински.

Уметничкиот директор на Канскиот филмски фестивал, Тиери Фремо, изјави дека фестивалот годинава примил рекордни 2.909 пријави. Жирито на натпреварувачката програма ќе го води Жулиет Бинош. Роберт де Ниро ја доби почесната Златна палма.

View this post on Instagram
A post shared by Vanity Fair (@vanityfair)

Повикот за протест на добитникот на „Златна палма“ за животно дело, Роберт де Ниро, против американскиот претседател Доналд Трамп, наменет за „сите на кои им е грижа за слободата“, проекцијата на дебитантскиот филм „Leave One Day“ и култниот режисер Квентин Тарантино го означија стартот на 78. Кански филмски фестивал што се отвори синоќа во Гранд театарот „Лумиер“, лоциран во луксузниот јужен град на француската ривиера.

Холивудската икона де Ниро во својот говор за време на врачувањето на наградата на свечената церемонија во Кан го нарече Трамп „филистар“ и ја нападна неговата предложена филмска тарифа.

Исто така, во пресрет на официјалното отворање на Фестивалот, организаторите непосредно пред почетокот одлучија да воведат ново правило кое вклучува посебни одредби за облеката. Имено, според нивната одлука, забрането е носење „голи, волуменозни фустани или фустани со набори“.

Покрај тоа, овој Филмски фестивал воведува кодекс на облекување на пристојност и учтивост, забранувајќи фустани што го попречуваат правилниот проток на гости и го комплицираат седењето во киното. Според организаторите, секој што не го почитува кодексот на облекување ќе биде забранет на црвениот тепих.