Џенифер Лопез и Бен Афлек официјално се разведоа: Се договорија за поделба на имотот

Врховниот суд на округот Лос Анџелес објави дека двегодишниот брак на Џенифер Лопез и Бен Афлек официјално е завршен.

Според магазинот HOLA, двајцата се законски слободни од 21 февруари годинава. Бен и Џенифер се договорија и ги завршија сите формалности без никакви дополнителни компликации.

Според понатамошните извештаи, судијата ја одобрил спогодбата за развод на 6-ти јануари, а таа стапила на сила минатиот петок, откако поминале шест месеци од поднесувањето на барањето за развод, според законот во Калифорнија.

Како што претходно беше објавено, поранешната двојка се договорила секој да го задржи она што го стекнал за време на бракот, а пејачката да престане да го користи презимето Афлек. Тие, исто така, постигнаа договор за вилата што ја купија во Беверли Хилс во 2023 година за повеќе од 60 милиони долари – решија да го продадат овој имот за 68 милиони долари, а парите ќе ги поделат.

Афлек и Лопез првпат се верија на почетокот на 2000-тите, но раскинаа пред свадбата. Подоцна тој беше во брак со актерката Џенифер Гарнер, со која има три деца, додека Џенифер беше во брак со пејачот Марк Ентони и доби близнаци со него.

По 17 години и откако и двајцата поминаа низ разни врски и бракови, Бен и Џенифер ја обновија врската, брзо се венчаа, но по само две години пејачката поднесе барање за развод.