Шоубиз
Една од најубавите жени на светот го чека третото дете на 44 години
Вчера во медиумите одекна веста дека Жизел Бундшен е бремена. Супермоделот чека дете со момчето Хоаким Валенте, инструктор за џиу-џицу.
44-годишниот супермодел веќе има две деца со поранешниот сопруг, додека ова ќе биде прво дете за 35-годишниот Хоаким.
Извор за магазинот People открил дека супермоделот се чувствува добро поради бременоста.
„Жизел и Хоаким се среќни за ова ново животно поглавје и со нетрпение очекуваат да создадат мирна средина полна со љубов за целото семејство“ – рекол изворот.
Жизел не го откри полот на детето бидејќи не планира самата да го дознае додека не се роди детето, додавајќи дека Жизел е веќе неколку месеци бремена и планира да го пречека детето дома. „Жизел е многу среќна во Мајами, уживајќи во својот живот“, изјави извор за People.
Жизел и нејзиниот поранешен сопруг, пензионираната НФЛ ѕвезда Том Брејди, имаат две деца, синот Бенџамин Реин (14) и ќерката Вивијан Лејк (11). Том и Жизел објавија дека нивниот развод е финализиран во октомври 2022 година по 13 години брак. Хоаким и Жизел за прв пат беа видени заедно во ноември 2022 година. Тие со месеци негираа дека биле во романтична врска, но набрзо беше откриено дека се во врска од јуни 2023 година.
