Александра Пријовиќ уживаше во Дизниленд со своето семејство и го покажа трудничкото стомаче

Српската пејачка Александра Пријовиќ (29) ги објави првите фотографии од своето трудничко стомаче на својот Инстаграм профил.

По успешната турнеја „Од исток до запад“, пејачката се повлече во Мајами, каде, како што се шпекулираше, ќе ја помине бременоста. Александра објави фотографии на својот Инстаграм профил од семејното патување во Дизниленд, каде што уживаше со сопругот Филип Живојиновиќ и синот Александар.

Следбениците беа особено трогнати од првата фотографија каде нејзиниот син го бакнува нејзиниот труднички стомак, додека Александра ги носи препознатливите уши на Мики Маус. Познато е дека пејачката очекува девојче, кое треба да пристигне ова лето.

View this post on Instagram

A post shared by Aleksandra Prijovic (@aleksandraprijovic)

Откако дозна дека е бремена, Александра објави пауза во кариерата. Претходно, таа истакна дека сака да го прошири своето семејство, а нејзина голема желба е да има ќерка. „Најважно за мене е моето семејство секогаш да биде добро. Би сакала, ако не следната година, бидејќи сега работиме многу, да имам ќерка“, рече Александра во едно интервју.