Ким Кардашијан официјално има ново момче
Откако се разведе од раперот Канје Вест, Ким Кардашијан не беше поврзува со ниту еден друг маж. Пред неколку недели за прв пат започнаа да се шират гласини, кои оттогаш се потврдени, дека 41-годишната ѕвезда е во врска со Пит Дејвидсон.
Во изминатиот период реалити ѕвездата и комичарот во неколку наврати беа забележани заедно во Њујорк и во Лос Анџелес.
Овој пат ниту Ким, ниту Пит не можеа да ги сокријат своите насмевки додека се прошетаа фатени за рака во близина на вилата на нејзината мајка Крис Џенер, во Палм Спрингс. Таму претходно го прославија и неговиот роденден позирајќи во исти пижами.
Тоа е првиот романтичен партнер за реалити ѕвездата откако таа поднесе барање за развод од сопругот Канје Вест во февруари оваа година.
Пит, кој наполни 28 години во вторникот, претходно беше романтично поврзан со мноштво познати дами, вклучувајќи ја ѕвездата на Бриџертон, Фиби Дајнвор, Кејт Бекинсејл и неговата поранешна свршеница поп-ѕвездата Аријана Гранде.
Првите гласини започнаа да се шират откако Кардашијан и Дејвидсон беа забележани како се држат за рака во забавен парк на 29 октомври, непосредно по нивниот заеднички скеч во шоуто „SNL“ – каде што парот се бакна.
