Шоубиз
Магазинот „People“ го избра најзгодниот маж за 2023 година
Магазинот People го прогласи актерот Патрик Демпси за најсекси маж за оваа година.
Изборот беше објавен за време на шоуто „Jimmy Kimmel Live!” во вторникот вечерта додека Кимел ја претстави ѕвездата на „Grey’s Anatomy“ во шоуто. Демпси му ја презеде круната на актерот од „Captain America“, Крис Еванс, откако ги победи финалистите Педро Паскал, Тимоти Шаламе, Ашер, Џејми Фокс, Џејсон Келси и Лени Кравиц.
-Многу ми е драго што ова се случува во овој период од мојот живот. Убаво е да се добие ова признание, а и малку го крена моето его, но ми даде платформа која можам да ја искористам за нешто позитивно – вели актерот кој ја краси насловната страница на магазинот.
57-годишниот актер и возач на тркачки автомобил важеше за еден од најзгодните мажи во светот, делумно поради неговото учество како д-р Дерек „Мекдрими“ Шеперд во хит серијата „Grey’s Anatomy“.
Патрик ја игра улогата на италијанскиот Формула 1 возач Пјеро Таруфи во филмот „Ferrari“ – биографски филм за животот на основачот на автомобилскиот производител Енцо Ферари – кој треба да биде објавен следниот месец. Минатата година тој за медиумите изјави дека целото возење го направил сам, нарекувајќи ја „најдобрата улога што некогаш сум ја имал“.
Демпси е во брак со шминкерката и основач на козметичка линија Џилијан Финк, со која има три деца, Талула (21) и 16-годишните близнаци Саливан и Дарби.
