Холивудските актери постигнаа договор со студијата за прекин на штрајкот

Актерите од Холивуд постигнаа договор со големите студија за прекин на нивниот штрајк, кој заедно со штрајкот на писателите ја потресоа забавната индустрија откако писателите и изведувачите почнаа да бараат повисоки плати во ерата на стриминг услугите.

118-дневниот прекин на работата официјално ќе заврши по полноќ, се вели во соопштението на синдикатот SAG-AFTRA, откако неговиот комитет за договарање едногласно го поддржа договорот со Волт Дизни, Нетфликс и други компании.

Тригодишниот договор, вреден повеќе од една милијарда долари, вклучува зголемување на минималната плата и нови бонуси што треба да ги плаќаат стриминг сервисите, соопшти синдикатот.

THE #SagAftraStrike IS OVER.

? Thread below. pic.twitter.com/KDTl9uKBRt

— SAG-AFTRA (@sagaftra) November 9, 2023

Договорот, исто така, предвидува заштита од неовластена употреба на фотографии генерирани од вештачка интелигенција, област која ги загрижи изведувачите кои стравуваат дека ќе бидат заменети со „дигитални двојници“.

„Постигнавме договор кој ќе им овозможи на членовите на SAG-AFTRA од секоја категорија да градат одржливи кариери“, се вели во пораката на синдикатот до своите членови.

SAG-AFTRA says their new deal, valued at $1 billion, includes…

• A streaming participation bonus

• “Above pattern” minimum compensation increases

• Substantial increases for pension & health caps

• Pay increases for background actors

• Contract provisions protecting… pic.twitter.com/Cjo1KsdQL0

— DiscussingFilm (@DiscussingFilm) November 9, 2023

Претседателката на Унијата, актерката Фран Дрешер напиша на Инстаграм: „Успеавме! Договор од милијарда долари!“

Крајот на штрајкот на актерите значи дека Холивуд може да продолжи со производство со полн капацитет за прв пат од мај, кога штрајкуваа филмските и телевизиските сценаристи.

Националниот одбор на SAG-AFTRA ќе разговара за договорот во петок, а синдикатот соопшти дека ќе објави дополнителни детали по тој состанок. Конечното гласање за ратификација се очекува во наредните недели.