Меган Фокс на шопинг во Солун
Меган Фокс и Машин Ган Кели беа забележани со сите нивни деца во Грција.
35-годишната актерка и 31-годишниот рапер беа видени со трите синови на Меган, Ноа, Боди и Џорни, заедно со ќерката на МГК, Кејси Колсон Бејкер.
Групата беше забележана за време на шопинг во Солун. Тие посетија неколку продавници, а влегоа и во продавница за наќит.
Меган ги дели своите три сина со нејзиниот поранешен сопруг Брајан Остин Грин (48). Актерката од „Transformers“ и актерот од Беверли Хилс 90210 го финализираа својот развод во октомври годинава, по единаесет години брак. Колсон Бејкер, како е неговото вистинско име, ја дели Кејси со неговата поранешна девојка Ема Кенон. Тој ја запозна Меган кога заедно глумеа во „Midnight in the Switchgrass“ и почнаа да се забавуваат пролетта 2020 година.
Megan Fox and Machine Gun Kelly go shopping on family vacation in Greece with her sons and his daughter Casie https://t.co/7i2ifmsd3X
— Daily Mail Celebrity (@DailyMailCeleb) November 28, 2021
Американската актерка Меган Фокс е во Грција за потребите на филмот „The Expendables 4“. Филмот неодамна започна со снимање во грчкиот град Солун. Градот сега е домаќин на неколку познати холивудски ѕвезди, како Џејсон Статам, Долф Лундгрен,, Кертис „50 Сент“ Џексон, Тони Ја, Енди Гарсија, кои се дел од филмската екипа на филмот. Во снимањето ќе учествува и креаторот на франшизата, Силвестер Сталоне, иако ова ќе биде последен пат тој да работи на филмот.
