„Наследници“ и „Мечката“ доминираа на доделувањето на ЕМИ наградите

Сериите “Наследници” и “Мечката” заслужено го центрираа вниманието на церемонијата на доделувањето на Еми наградите во Лос Анџелес. “Наследници” ја освои престижната награда за најдобра драмска серија, додека “Мечката” сјаеше како најдобра хумористична серија, истовремено освојувајќи уште пет награди.

Киеран Калкин и Сара Снук беа наградени за најдобар актер и актерка во драмска серија за нивните улоги во “Наследници”. Џереми Ален Вајт и Кинта Брансон ги освоија статуетките за најдобар актер и актерка во хумористична серија за нивните изведби во “Мечката”.

Други победници на настанот беа “Говедско месо” за најдобра лимитирана серија, додека Али Вонг и Стивен Ајон доминираа во категориите за најдобра актерка и актер во лимитирана серија. Ебон Мос-Бакрак и Ајо Едбери од “Мечката” ги освоија наградите за споредни улоги во комедијата.

Церемонијата беше одржана во театарот “Пикок” во Лос Анџелес, со актерот Ентони Андерсон како домаќин. Победниците беа избрани од страна на 20.000 членови на Американската академија за телевизиски уметности и науки. Овој настан, познат и како телевизиските “Оскари”, беше одложен за четири месеци поради холивудскиот штрајк.