Познатиот музички пар Карди Би и Офсет добија син
Карди Би стана мајка по втор пат. Се породила на 4 септември во болница во Њујорк, а татко на детето е познатиот рапер Офсет.
Ексцентричните рапери Карди Би и Офсет објавија на Инстаграм идилична фотографија со својот новороден син.
-Ние сме пресреќни што конечно го запознавме нашиот син. Семејството и пријателите веќе го сакаат, едвај чекаме да го претставиме на неговите браќа и сестри – наведуваат Карди и Офсет во својата заедничка изјава за магазинот „People“.
Парот се венчаше тајно во 2017 година и веќе ја има и тригодишната ќерка Kulture. Тие се во брак неколку години, но имаа доста турбуленции. Офсет ја изневерувал за време на бракот, и Карди се решила да поднесе документи за развод. Тврдела дека помеѓу нив е се готово, но по два месеци се премислила и го откажала барањето за развод.
Во јуни оваа година на „BET“ наградите, таа на сцената се појави со труднички стомак и така ја објави радосната вест.
