Се верија Меган Фокс и Машин Ган Кели, прославиле на бизарен начин со пиење крв

Актерката Меган Фокс (35) и музичарот Машин Ган Кели (31) се свршија во романтичен амбиент по година и половина поминати во врска.

Атрактивната бринета на социјалните мрежи објави интимно видео на кое се гледа како музичарот ја запросува, а таа се согласува.

Актерката под објавата напиша опширен опис во кој истакна дека свршувачката ја прославиле со „пиење крв еден од друг“.

View this post on Instagram

A post shared by Megan Fox (@meganfox)

-Во јули 2020 година седевме под ова банјан дрво. Побаравме магија. Бевме несвесни за болката со која ќе се соочиме заедно во овој толку краток, френетичен период. Несвесни за работата и жртвите што врската ќе ги бара од нас, но опиени од љубовта. И од кармата. Некако, година и пол подоцна, откако заедно поминавме низ пеколот и се смеевме многу повеќе отколку што некогаш можев да си замислам дека е можно, тој ме праша дали ќе се омажам за него. И како и во секој живот пред овој, а и во секој живот што следи, реков да… и потоа пиевме крв еден од друг. 11.01.2022 – напиша актерката.

View this post on Instagram

A post shared by the Blonde Don (@machinegunkelly)

-Да, во овој живот и во секој живот. Под истите гранки под кои се заљубивме, ја донесов повторно тука и ја побарав да ми стане жена. Знам дека традиција е еден прстен, но го дизајнирав со Стивен Вебстер да бидат два: смарагдниот (нејзиниот роден камен) и дијамант (мојот роден камен) сподени на две магнетски алки кои се привлекуваат како две половини од истата душа, формирајќи го нејасното срце кое е нашата љубов“ – напиша МГК.

И двајцата веднаш во коментарите добија честитки од безброј обожаватели, но и познати ѕвезди, меѓу кои и сестрите Кардашијан и колегата на Кели, тапанарот Тревис Баркер.