Момчето на Ким Кардашијан можен водител на „Оскарите“?!
Пит Дејвидсон е во преговори да стане водител на 94-тото доделување на наградите „Оскар“.
28-годишната ѕвезда на Saturday Night Live се очекува да биде домаќин на „Оскарите“ според Page Six.
Извор, за комичарот кој моментално е во врска со Ким Кардашијан рекол: „Неговите луѓе разговараат со продуцентите“.
Веста доаѓа во интересно време, бидејќи претходниот ден беше објавено дека овогодинешната церемонија повторно ќе има водител за прв пат по четири години.
Дејвидсон може да се соочи со мала конкуренција бидејќи The Hollywood Reporter тврди дека луѓе од Академијата веќе ја контактирале и ѕвездата на „Спајдермен“ Том Холанд околу можноста актерот да ја има честа да ја води една од најпрестижните и најгледаните церемонии во светот .
