Системот колабираше од многу посети – хаос при почетокот на продажбата на билети за турнејата на Бијонсе!

Очекуваниот почеток на продажбата на билети за “Cowboy Carter Tour” предизвика вистински хаос!

Продажбата требаше да започне напладне по локално време, но огромниот интерес доведе до пад на системот, оставајќи илјадници фанови во редица без шанса да купат билет.

Фановите бесни – Ticketmaster повторно под притисок

Многу обожаватели на Бијонсе се пожалија дека Ticketmaster не можел да го издржи товарот и колабирал уште пред билетите да станат достапни. Со часови чекаа во виртуелни редици, но наместо да купат влезници, беа пречекани со пораки за грешка и пад на серверите. Ова не е првпат платформата да се соочи со ваков проблем – сличен колапс се случи и при продажбата на билетите за минатогодишната турнеја на Тејлор Свифт.

Историска турнеја по најголемиот успех на Бијонсе

Турнејата “Cowboy Carter” го носи името на нејзиниот албум што ѝ ја донесе првата Греми награда за најдобар албум на годината. Ова признание е значајно бидејќи, иако беше номинирана четири пати во оваа категорија, дури сега конечно ја освои наградата.

Турнејата започнува на 28 април во Лос Анџелес, а ќе заврши на 13 јули во Атланта, со дополнителни концерти во Лондон, Париз, Чикаго и Атланта поради огромната побарувачка. Бијонсе, исто така, најави дека дел од приходите ќе бидат наменети за жртвите од разорните пожари во Калифорнија