Славната макекенка Жизел Бундшен на 44 години стана мајка по третпат

Семејството на една од најуспешните бразилски манекенки Жизел Бундшен доби ново бебе. Познатата убавица го роди своето трето дете, а првото со партнерот Хоаким Валенте.

Бразилската манекенка Жизел Бундшен (44) стана мајка по трет пат, пренесува TMZ. Жизел го роди своето трето дете, прво со партнерот Хоаким Валенте (35). Мајката и бебето се добро, но полот и името на бебето се уште не и се познати на јавноста, јавуваат странските медиуми. На крајот на октомври беше откриено дека Жизел е бремена.

Жизел е веќе одредено време во романтична врска со Хоаким Валенте, мајстор за џиу-џицу. Според странските медиуми, манекенката и Валенте ја започнале врската веднаш откако Жизел се разведе од НФЛ ѕвездата Том Брејди.

Жизел и Том беа еден од најпознатите парови во САД, се венчаа во 2009 година и имаат две деца, синот Бенџамин (15) и ќерката Вивијан (11). Иако изгледаа како хармоничен пар, пред три години објавија дека се разведуваат, наведувајќи ги како причина различните животни приоритети.