Се породи Марго Роби: Славната „Барби“ го доби своето прво дете

Австралиската глумица Марго Роби го доби своето прво дете со сопругот, продуцентот Том Акерли.

За јавноста се уште не е познат точниот датум на раѓање на бебето, како и името, додека близок извор за People тврди дека таа родила момче.

Веста за приновата доаѓа околу три месеци откако Марго му откри на светот дека е бремена за време на одмор на езерото Комо во Италија. Една недела подоцна – двојката блесна на Вимблдон.

Инаку, Марго и Том се запознале во 2013 година, на снимањето на драмата „Suite Française“, каде тој беше помошник режисер, а таа ја играше Селин Џозеф. Тие потоа се венчаа во декември 2016 година за време на приватна церемонија во заливот Бајрон во Австралија.