Шоубиз
Спектакуларен настап на Ријана на Супер Боул (ВИДЕО)
Синоќа се одигра финалниот натпревар Супер Боул во Глендејл, Аризона, а тимот на Kansas City Chiefs ја освои титулата во Националната фудбалска лига (НФЛ), победувајќи ги Philadelphia Eagles.
Сепак, шоуто го „украде“ спектакуларниот настап на глобално популарната пејачка Ријана.
По неколку години пауза, Ријана (34) се врати на големата сцена и ги воодушеви фановите со својот настап на полувремето на најгледаниот спортски настан во САД.
Настапот го започна во воздух качена на платформа, а за таа прилика беше облечена во црвен комбинезон, црвена јакна и црвени патики.
Таа беше пречекана со громогласен аплауз, кој не престана ниту при првата песна од шоуто „B*tch Better Have My Money“. Заедно со неа на сцената се појавија и бројни танчери облечени во бели тренерки и бели јакни.
Заедно со нејзините танчери Ријана изведуваше кореографии на нејзините стари и нови хитови.
Настапот траеше околу 13 минути, при што таа отпеа некои од нејзините најголеми хитови, како што се „Where Have You Been?“, „Only Girl in the World“, „We Found Love“, „Rude Boy“, „Work“, „Wild Thoughts“, „Pour It Up“, „All of the Lights“, „Run This Town“, „Umbrella“. Настапот го заврши, како што и го започна, качена на платформа, со песната „Diamonds“ и додека траеше огнометот таа рече: „Ти благодарам, Аризона“.
