Тејлор Свифт наводно се одалечува од Блејк Лајвли поради драмата со тужбата на Џастин Балдони

Актерката Блејк Лајвли неодамна го тужеше својот колега Џастин Балдони за сексуално вознемирување и организирање кампања за оцрнување на нејзиниот имиџ. Тој одговори со противтужба во која ја спомна и нејзината блиска пријателка Тејлор Свифт, што наводно го „потресе“ нивното десетгодишно пријателство.

Како што сега тврдат изворите, Свифт повеќе не комуницира со Лајвли. Американските медиуми претходно објавија дека пејачката се оградила од Блејк, но нивната врска дополнително се влошила. Тејлор, исто така, наводно ја одбила поканата за прославата на 50-годишнината на „SNL“ само затоа што Блејк требала да се појави на настанот.

– Тејлор не комуницира со Блејк. Таа беше поканета на „SNL50“, но Блејк беше таму и Ким Кардашијан – тоа е последното место на земјата каде што можевте да ја видите, изјави извор за Дејли Мејл.

Контроверзната ситуација во која се наоѓа Блејк ја принудила славната пејачка да го преиспита нивното пријателство и да размисли како би можела да ги спречи „надворешните фактори“ да и ја уништат репутацијата. “Тејлор проверува кој од нејзините пријатели е добар за неа и кој ќе ја искористи за лична корист по ситуацијата со Блејк. Таа работи на нов албум и е шокирана од драмата во која е вовлечена. Нема да дозволи надворешни фактори да и наштетат на нејзината кариера”, додал изворот.

Двете пријателки не се фотографирани заедно веќе неколку месеци, а последен пат беа видени во јавноста во октомври минатата година додека се упатуваа на вечера заедно со своите партнери Рајан Рејнолдс и Тревис Келси. Блејк оваа година не и се придружи на својата пријателка на Суперболот, откако претходната година заедно го следеа натпреварот од една од ВИП ложите на стадинот.