Трамп го поштеди принц Хари: „Нема да го депортирам, сопругата му е доволно голем проблем“

Принцот Хари може да „здивне“ – Доналд Трамп донесе конечна одлука дека нема да го депортира од САД, и тоа со прилично пикантно оправдување.

„Ќе го оставам на мир. Има доволно проблеми со неговата сопруга. Таа е ужасна,“ изјави Трамп, а неговите зборови веднаш предизвикаа реакции во јавноста.

Инаку, имиграцискиот статус на Хари беше предмет на правна битка во Вашингтон, бидејќи фондацијата Heritage тврдеше дека неговото добивање виза требало да биде блокирано поради неговите признанија за користење недозволени супстанции.

Многумина очекуваа дека Трамп, кој повторно се бори за Белата куќа, ќе заземе построг став и ќе го врати принцот во Британија. Но, изгледа дека ситуацијата му е доволно забавна за да не преземе ништо.

Во истата изјава, Трамп го пофали постариот брат на Хари, принцот Вилијам, за кого рече дека е „одличен млад човек“ и со кого неодамна се сретнал во Париз за време на церемонијата за обновата на Нотр Дам.

Што мислите, дали Трамп донесе правилна одлука или само уште еднаш сакаше да ја вжешти јавноста?