Вистински шок на Греми: Бјанка Ценсори без казна, но Канје Вест може да изгуби 20 милиони долари

Архитектката и сопруга на Канје Вест, Бјанка Ценсори, предизвика вистински скандал на годишната додела на Греми, кога се појави на црвениот тепих во проѕирен фустан без било какво облекло под него. Овој потег ја вознемири публиката и доведе до нејзино отстранување од настанот.

Но, според полициски извори, не се очекува Ценсори да се соочи со било какви правни последици. Ниту еден од присутните не се пожалил за нејзината облека, а според законите во Калифорнија, обвиненијата за непристојно изложување бараат јавно покажување на гениталиите со намера да навредат или сексуално да возбудат некого, што се смета за малку веројатно во овој случај.

Сепак, додека Бјанка веројатно ќе ја помине оваа ситуација без последици, Канје Вест може да плати висока цена. Според извори, по инцидентот на Греми, јапонските инвеститори кои го поддржуваат неговиот концертен договор на вредност од 20 милиони долари, можеби нема да го финансираат неговиот настап на стадионот „Токио доум“.

Неговото поведение, заедно со однесувањето на Ценсори, се смета за „неприфатливо“ во јапонската култура, а наводно доживеале и големо вознемирување поради нивниот скандалозен изглед. Изворите додаваат дека откако било видено нивното појавување на црвениот тепих, јапонските инвеститори сериозно се сомневаат во нивната понатамошна соработка.