Трајче Георгиев ќе се бори за првото место во суперфиналето на „Пинковите ѕвездички“

Во суперфиналето кое ќе се одржи на 4. јули, нема да настапат Никола Миленковиќ и Ирина Арсенијевиќ. Тие синоќа добија најмалку гласови и го напуштија натпреварувањето.

Кој ќе биде Пинкова ѕвездичка одлучува публиката со СМС гласање, кое е отворено секој ден до суперфиналето.

Младиот македонски музички талент Трајче Георгиев настапи трет со песната “If I Ain`t Got You”, од Alicia Keys.

-Екстра. Мрак си мацо. Бескрајно ми е драго што Македонија испратила ваков талент, рече Гоца Тржан.

-Додека ти пееш, се чувствуваат искрички. Ти имаш навистина магија и Божји дар во гласот. Не треба ништо многу да зборуваме, прекрасен си, рече Јелена Томашевиќ.

Тој е како некој накит со бисер. Богатство, тоа е Трајче, рече Леонтина за неговиот настап.

Во суперфиналето покрај нашиот Трајче ќе настапат и Матеја, Јован, Игор, Павле, Марија, Лена и Ирина.

Синоќа во ревијалниот дел од шоуто Пинкови ѕвездички што директно се емитуваше на програмата на Сител, заедно со младите таленти пееја и судиите: Милан Станковиќ, Јелена Томашевиќ, Гоца Тржан и Хари Варешановиќ.