Трамп ќе стане дедо по деветти пат

Претседателот на САД, Доналд Трамп за неколку месеци ќе добие уште едно, деветто внуче, откако неговиот син Ерик на Твитер објави дека тој и неговата сопруга Лара го очекуваат своето прво дете.

Ерик Трамп (33) во објавата напиша дека ова за нив „била неверојатна година” и дека тој и неговата жена се „блаословени со таа бременост”.

Ерик, неговиот брат Доналд Јуниор и нивната сестра Иванка се деца од првиот брак на Доналд Трамп.

Сега браќата управуваат со Организацијата на Трамп откако, тој ги прекина сите врски со својата доскорешна работа, за да ја презеде државничката функција.