Големата модринка на раката на Трамп поттикна шпекулации за неговото здравје

Детал на раката на Доналд Трамп стана тема на дискусија на социјалните мрежи откако беа објавени фотографии од неговата средба со Емануел Макрон. Додека двајцата претседатели разговараа за можен крај на војната во Украина, јавноста посвети поголемо внимание на физичката состојба на Трамп, откако фотографиите се проширија на социјалните мрежи.

Модрината видена на раката на Трамп поттикна различни теории меѓу корисниците на социјалните мрежи. Некои ја забележаа сличноста со „интравенска модринка“ и шпекулираа дека Трамп можеби „останал дехидриран и завршил на инфузија“.

Најрадикалните теории одат дотаму што тврдат дека „Белата куќа активно прикрива потенцијално сериозна здравствена состојба“ на претседателот Трамп. „Зошто не ни кажуваат за неговото здравје?“, „Кралицата Елизабета имаше слични модринки на рацете кога ја влечеа да забавува разни луѓе во последната недела од животот“, пишуваат некои повеќе наклонети кон теории на заговор.

Она што е сигурно е дека Трамп имал пудра или коректор на модрината во обид да ја прикрие.

Портпаролката на Белата куќа, Каролин Левит, тврди дека модринките се резултат ракување.

„Претседателот Трамп е човек од народот и секојдневно се среќава со повеќе Американци и се ракува повеќе од кој било друг претседател во историјата. Неговата посветеност е непоколеблива и тој го докажува тоа секој ден“, рече г-ѓа Левит.

„Претседателот Трамп има модринки на раката бидејќи постојано работи и се ракува по цел ден секој ден“, рече таа во следното соопштение.