МК Сцена
ЗЛАТНА БУБАМАРА 2016: Погледнете кои добија награди! (ФОТОГАЛЕРИЈА)
Синоќа во Метрополис арената се одржа спектакуларното 19. издание на „Златната бубамара на популарноста“ под мотото „Да се собереме, пред да не соберат“.
Над 2.000 посетители уживаа во прекрасните настапи на Селимова-Желчески, Игор Џамбазов, Тамара Тодевска, Фрајле, Љубојна, Ван Гог, Џамбо Агушев, Влатко Стефановски, но и домаќините Атанас, Тино и неповторливиот Сашко Коцев.
Чистиот воздух, добрата политичка ситуација, уште подобрата љубовна, нашите корени, навики, секојдневни случувања беа инспирација на вчерашното 19-то издание.
Како и секогаш шоуто беше исполнето со многу шеги, интересни настапи и емотивни говори. Од дамите, кралица на вечерта несомнено беше Тамара Тодевска, која замина дома со наградите за најдобра пејачка, најдобар албум и концерт.
Игор Џамбазов подготви македонска верзија на хитот „My Way“ од Френк Синатра. Песната ја прилагоди на својата животна приказна, подемите и падовите и нештата кои ја одбележаа неговата кариера. Во тој миг, никој не можеше да остане рамнодушен на емоцијата, што владееше на сцената. Публиката на нозе ракоплескаше, додека видно возбудениот шоумен топло ги поздрави.
За оние кои немаа можност да присуствуваат во Метрополис арената, снимка ќе има в недела од 20 часот на Канал 5.
Ова се добитниците на наградите од 19. „Златна бубамара на популарноста“:
- Најпопуларна ТВ серија 2015 5+ фамилија – ОХО продукција ТВ Телма
- Телевизиско музички проект 2015 5 + фамилија – ОХО продукција ТВ Телма
- Награда за животно дело Селимова Желчевски
- Млад актер на годината 2015 Жарко Димоски Театар комедија
- ТВ забавна емисија за 2015 Неделно попладне – Томато
- Награда за Интернационален успех Браќа Тавитијан
- ТВ Емисија на годината 2015 Визита – Канал 5
- Општествено одговорна компанија Зегин
- Група на годината 2015 ДНК
- Подвиг на годината 2015 Араунд Гаиа – Ивана Чолаковска
- Најпопуларна балканска вокална група Фрајле
- Концерт на годината 2015 Тамара Тодевска
- Пејачка на годината 2015 Тамара Тодевска
- Албум на годината 2015 Тамара Тодевска
- Трајни вредности Игор Џамбазов
- ТВ Емисија на годината 2015 Зевзекманија – ТВ Канал 5
- Спортист на годината 2015 Евгениј Поп Ацев
- Актерка на годината 2015 Тања Кочовска
- Актер на годината 2015 Петар Мирчевски
- Театарска претстава на годината 2015 Мајсторот и Маргарита
- Музички видео спот 2015 Љубојна Излего да се рашета
- Етно група на годината Љубојна
- Прва труба на Македонија Џамбо Агушев
- Музички маестро на годината 2015 Исмаил Лумановски
- Трајни музички вредности Ван Гог
