Спорт

Ѓоковиќ го предаде полуфиналето против Зверев, публиката го исвирка

Од

Објавено на јануари 24, 2025

Новак Ѓоковиќ беше принуден да се повлече од полуфиналето на Австралија опен против Александар Зверев поради повреда на левата бутина.

По завршувањето на првиот сет, Ѓоковиќ се доближи до мрежата и му ја соопшти својата одлука на Германецот, очигледно неспособен да го продолжи мечот поради повреда.

Двајцата тенисери одиграа сет од 81 минута што Зверев го доби во тај-брејк (7:6), откако не успеа да ги искористи вкупно осум брејк топки.

На крајот се заврши неславно бидејќи мал дел од публиката реши да го исвирка Новак, очигледно незадоволни од тоа што платиле билети само за еден сет.

View this post on Instagram
A post shared by Australian Open (@australianopen)

Потоа за нив стигна воспитна лекција од Александер Зверев кој им рече дека никогаш не смеат да исвиркуваат тенисер кој се повредил.

„Не смеете да исвиркувате играч кој излегува од теренот поради повреда. Јасно ми е дека сте платиле билети, но мора да го разберете Новак, тој никогаш не би предал меч ако повредата не е сериозна. Ѓоковиќ е тенисер кој му дал се на овој спорт во последните 20 години. Го има освојувано овој турнир и со повреди, скинати мускули, болки во стомакот. Мора да покажете почит и љубов кон него“, се обрати Зверев кон публиката.