fbpx
Поврзи се со нас
Маркетинг

Популарно.мк

Трчаме за децата со Даунов синдром во недела во парк!

Останато

Трчаме за децата со Даунов синдром во недела во парк!

Во недела на 27-ми март по повод Светскиот ден на лицата со Даунов синдром во Градскиот парк во Скопје кај Школка од 11:00 часот по прв пат ќе се одржи хуманитарна трка на еден километар.

Трката е од отворен карактер и во неа освен што ќе учествуваат деца со Даунов синдром и нивните семејства, може да трча секој кој што сака да биде дел од оваа хуманитарна спортска акција со  донирање на 150 денари. Пријавувањето се одвива на: www.smartrace.club. Учеството на трката за лицата и децата со Даунов синдром е бесплатно.

Сумата која ќе биде собрана ќе се користи за обезбедување услови за тренирање на децата со Даунов синдром во текот на целата година, како обезбедување сала, реквизити, стручни лица за работа, организирање на семинари.

„Нашата цел е да се подигне свеста за лицата со Даунов синдром и притоа сакаме да нагласиме дека тие имаат еднаков пристап до спортот и спортските активности, но и општо во секојдневието. Сите деца со Даунов синдром по завршување на трката ќе бидат наградени со медали и пригодни подароци. За останатите натпреварувачи ќе бидат обезбедени награди по лотарија систем“, изјавија организаторите кои додаваат дека на овој спортски хепенинг после трчањето ќе има уште три спортски активности кои се од забавен карактер: мечување, кошарка и фудбал.

На хуманитарниот настан кој започнува во 11:00 часот во недела ќе му претходи загревање кое ќе го води фитнес инструктор, а по доделување на наградите ќе се одржат интересни забавни игри како мечување, фудбал и кошарка, а ќе има и забава со DJ за прекрасно поминат ден.

Настанот е во организација на Мечувачки клуб Ескрим.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Останато

Маркетинг
ДО ВРВ
error: Содржината е заштитена со авторски права.