Седум најстудени места за живот (ФОТОГАЛЕРИЈА)

Доколку се уште не сте се навикнале на студеното време може да ви помогне листата со места во светот, кои се многу постудено од нашите краеви.

Ојмајкон, Русија

Најстудено трајно населено место во светот е Ојмајкон, кое се наоѓа во истоимената долина во североисточна Русија. Просечната температура во текот на јануари изнесува минус 50 степени Целзиусови. Името на селото во превод значи „вода, која не смрзнува“, бидејќи во близина се наоѓаат термални извори. Во Ојмајкон живеат околу 500 жители. Претежно се греат на дрво и јаглен. Училиштата се затвораат само доколку температурата падне под минус 52 степени.

Верхојанск, Русија

Според податоците од 2002 година во ова гратче живеат 1.434 луѓе. Верхојанск се наоѓа во сибирското пространство, а властите уште пред Сталиновата ера таму ги протерувале политичките неистомиленици. Просечната температура во јануари изнесува 45 степени под нулата, а најстудената температура некогаш измерена е во 1892 година, кога живата на термометарот покажувала минус 67,7 степени.

Интернешенал фолс, Минесота

Интернешнл фолс е едно од најстудените места во САД. Се наоѓа на границата со Канада, а е дом на повеќе од шест илјади жители. Просечната температура во првиот мсец изнесува минус 19 степени.

Фрејзер, Колорадо

Селото, кое е на три илјади метри надморска височина се наоѓа во близина на популарно скијалиште, а во него живеат 910 жители. Просечната годишна температура изнесува нула степени Целзиусови, а во јуни е и под нулата,

Јакутск, Русија

Уште во септември се почнува пополека да смрзнува, а ситуацијата е таква се до март. Во јануари просечната темепратура изнесува 36 степени под нулата, но околу 200 илјади жители со текот на времето се навикнале на оваа клима. На пример, градот има голем број театри, музеи, па дури и зоолошка градина, во која веројатни најмногу уживаат поларните мечки.

Хел, Норвешка

Ова место стана мошне познато, благодарение на своето име. Во „Пеколот“ доаѓаат голем број туристи само за да се сликаат покрај написот на кој пишува „Hell“, но повеќето сепак пристигнуваат кога ќе се стопли. Од декември до март таму владејат мразот и снегот, така што Хел е поповолен за пингвини, отколку за луѓе.

Улан Батор

Улан Батор во Монголија се смета за најстудениот главен град на светот. Се наоѓа во монголските степи на околу 1.300 метри надморска височина. Во јануари температурата достигнува до минус 16 степени.