Google повторно низ улиците во Македонија – нови слики за Street View!

Од оваа пролет, познатите Google автомобили, со 360° камери, повторно крстосуваат низ улиците на Северна Македонија! 🌍

Овојпат, нивната мисија е да ја освежат визуелната мапа на нашата земја со нови фотографии кои ќе бидат дел од Street View на Google Maps – алатка која ни овозможува да патуваме виртуелно, да се снаоѓаме полесно и да откриваме убавини што можеби досега сме ги пропуштиле.

Овие возила ќе се движат низ Скопје, Битола, Куманово, Прилеп, Штип, Велес, Охрид, Тетово, Струмица – и не само таму! Ќе бидат насекаде каде што има јавни патишта, со цел да се обноват мапите и да се прикаже реалната слика на современата урбана и рурална Македонија. 🇲🇰

Со оглед на тоа што нашата инфраструктура брзо се менува – нови улици, булевари, објекти, катчиња – новите слики ќе им помогнат на сите корисници на Google Maps подобро да се снаоѓаат, планираат патувања, па дури и да „прошетаат“ низ некое маало пред да стигнат таму. ✨

🌐 Што всушност е Google Street View?

Google Street View е една од најомилените функции на Google Maps, со над 220 милијарди фотографии низ целиот свет – дури и од Антарктикот! Со оваа опција добиваме виртуелен поглед од улиците, културните знаменитости, локалните бизниси, природните убавини и уште многу повеќе. Сето тоа – достапно и на телефон и на компјутер. 📱💻

🔐 Како се штити приватноста?

Google е максимално посветен на заштита на приватноста. Сите лица и регистарски таблички автоматски се замаглуваат пред објавување. А ако некој сака дополнително да замагли некој објект, тоа може да го направи со само неколку клика преку опцијата „Пријави проблем“ директно на Google Maps. ✅