Кејт Мидлтон во самоизолација: „Се наоѓа дома, нема симптоми и ги следи сите владини мерки“

Војвотката од Кембриџ мора да помине 10 дена во самоизолација, иако самата сеуште нема никакви симптоми на вирусот. Поради тоа сите нејзини претходни договорени обврски мора да бидат откажани.

Кејт Мидлтон (39) последен пат беше видена во јавноста во петокот кога беше во посета на тенискиот турнир Вимблдон и присуствуваше на тениски меч.

Од тогаш е во самоизолација бидејќи имала контакт со личност која имала позитивен тест на КОВИД-19.

Во соопштение од палатата Кензингтон велат дека војвотката моментално нема никакви симптоми, но дека ги следи сите владини мерки и се самоизолира.

Според владините препораки, самоизолацијата на Кејт ќе трае 10 дена.