НОВАК ТИ СИ СУПЕРМЕН! Хју Џекман фасциниран од историската победа на тенисерот

Новак Ѓоковиќ е главна тема во сите светски медиуми, но и кај познатите личности ширум светот.

Австралискиот глумец Хју Џекман се огласи по повод историската победа на Ѓоковиќ на Ролан Гарос. Тој инаку се наоѓа во каранти во Австралија, од каде го прател финалето кое го опиша како епско. Во својата објава му честиташе на Новак и напиша дека српскиот тенисер е супермен.

– Се будам на третиот ден од карантин во Австралија, да го погледнам машкото финале на Ролан Гарос. Со еден збор – епско. Сигурни сме дека ќе го гледаме Стефанос Циципас на уште многу мечеви во годините што следат. Многу честитки до едниот и единствен Новак Ѓоковиќ! – напиша глумецот.

– Пријателу, ти си супермен! Победник на машкото финале на Ролан Гарос – додаде Џекман.