Видео кое предупредува: Повлекувањето на морето најавува удар на цунами

По силниот земјотрес кој утринава го погоди рускиот полуостров Камчатка, жителите на Хаваите се соочуваат со сериозно предупредување – нивото на морето драстично се повлече од крајбрежјето, што според експертите е прв знак за надоаѓање на потенцијално разорно цунами.

Земјотресот со јачина од 8,8 степени според Рихтеровата скала, според податоци од Американскиот геолошки институт, се случил на длабочина од 19 километри, околу 125 километри од градот Петропавловск-Камчатски.

Цунамиска тревога во целиот Пацифички регион

Одма по потресот, се активираа алармите за цунамиско предупредување низ целиот Пацифик, вклучително и на Хаваите, источна Јапонија и други острови. Снимки од веб-камери во живо од островите Кауаи и Оаху покажуваат видно повлекување на морето, што претставува сериозен знак за предстоящ удар на брановите.

Пацифичкиот центар за предупредување од цунами објави дека брановите долж руската обала достигнуваат височини од 3 до 4 метри, а истите се движат кон југоисток со висока брзина.

Преземени итни мерки од властите

Американската крајбрежна стража во Хонолулу наложи затворање на сите пристаништа, додека трговските и рибарски бродови добија наредба веднаш да го напуштат брегот и да се преместат на отворено море. Воздушниот сообраќај исто така претрпе промени – неколку летови беа пренасочени заради безбедносни причини.

На атолот Мидвеј, кој се наоѓа на околу 1.600 километри северозападно од главните острови, е измерен пораст на нивото на морето за над 90 сантиметри, што е уште еден индикатор за опасноста што се приближува.

Властите апелираат до граѓаните да останат смирени, но внимателно да ги следат сите официјални известувања, бидејќи повлекувањето на океанот често е последен сигнал пред ударот на големиот бран.

🚨#BREAKING. A tsunami has officially hit Hawaii. Water is rapidly receding at Hanalei Bay on Kauai — a classic warning sign. Buoy data near Nawiliwili confirms the first wave. Coastal areas must evacuate now. This is real. pic.twitter.com/9P7ZqJCCrS

— Buzz Patriot (@BuzzPatriot) July 30, 2025