Во Грција од утре ќе може да се влезе и со брз антигенски Ковид-19 тест

Од утре кај јужниот сосед ќе може да се влезе и со негативен антигенски рапид (брз) тест, а таков документ нема да се бара за децата помали од 12 години. Тоа се двете промени на правилата за влез во Грција, кои од утре, во 6 часот наутро стапуваат во сила и ќе важат и за државјаните на Македонија.

Согласно одлуката на Грвија, Македонија и понатаму е на листата држави за кои важи исклучокот од забраната за влез во Грција на државјани на трети земји.

Како што јавуваат официјалните органи кај нашиот јужен сосед, за патување во Грција задолжителен е документ поврзан со Ковид-19, односно сертификат за вакцинација, 14 дена по примената втора доза, негативен резултат од ПЦР тест направен 72 часа пред патувањето или негативен резултат од рапид (брз) тест до 48 часа пред пристигнувањето во Грција или потврда за прележан коронавирус, како и пополнет PLF формуларот.