Археолозите револтирани од високите казни на нивните колеги

Македонското археолошко научно друштво иницираше собирање потписи за поддршка на нивните седуммина колеги кои се осудени на вкупна затворска казна од 30 години.

Во петицијата која е насловена „Археолозите не се криминалци“ пишува дека казните се премногу големи и невообичаени за нашето судство.

– „Системскиот проблем на несоодветни складишта во нашите музеи и недостигот од елементарни услови за правилно и за безбедно складирање на вредни артефакти, не се и не можат да бидат маскирани на овој начин. Општествената одговорност не може и не мора да има само лични имиња. Ве молиме, потпишете ја оваа петиција како поддршка за нашата молба за правда на нашите колеги и на нашата професија“, пишува на петицијата.

Освен петицијата, Македонското археолошко друштво, в понеделник во 11 часот, ќе одржи прес-конференција на која ќе зборуваат за пресудите на нивните колеги, лошите услови во институциите и неоодветните законски регулативи.

Петицијата можете да ја потпишете на следниот линк: http://www.ipetitions.com/petition/archaeologists-are-not-criminals