Бури, поплави и торнада во Тексас и Оклахома: Бројот на жртви се искачи на 18

Бројот на жртви достигна 18 лица во бурите, поплавите и торнадата, што изминатите пет дена ги зафати американските сојузни држави Тексас и Оклахома, соопшти американската телевизија Си-Ен-ЕН, пренесува ТАСС. 

На пограничните територии на Мексико загинале вкупно 13 лица. Неколку десетици се водат како исчезнати.

Засега нема точни податоци за штетите предизвикани од природната катастрофа, бидејќи поради поплавите е отежнат пристапот до голем број погодени рагиони. Според првичните информации стотина куќи се целосно уништени, а десетици илјади семејства се без електрична енергија.

Бројот на жртви во Тексас може да се зголеми бидејќи голем број луѓе се уште се во неизвесност. Рекордните поплави уништија стотици куќи, однесоа мостови и изолираа некои делови од земјата. Над 2.500 автомобили се оставени на улиците и магистралите во регионот на Хјустон, додека над 100.000 домаќинства се останати без електрична енергија во четвртиот по големина град во САД.

Претседателот Барак Обама вчера изјави дека го уверил гувернерот на Тексас Грег Абот дека може да очекува помош од федералните власти за справување со поплавите.

AUSTIN, TX – MAY 25: Parts of the city are shown inundated after days of heavy rain on May 25, 2015 in Austin, Texas. Texas Gov. Greg Abbott toured the damage zone where one person is confirmed dead and at least 12 others missing in flooding along the Rio Blanco, which reports say rose as much as 40 feet in places, caused by more than 10 inches of rain over a four-day period. The governor earlier declared a state of emergency in 24 Texas counties. (Photo by Drew Anthony Smith/Getty Images)

Во 40 окрузи на Тексас прогласена е вонредна состојба.