Поврзи се со нас
Маркетинг

Популарно.мк

Дедомразовска трка во Скопје

Актуелно

Дедомразовска трка во Скопје

Во центарот на Скопје денеска ќе се одржи Дедомразовска трка, како дел од празничната новогодишна програма на градот. Почетокот е напладне, во 12 часот, а подигнувањето на стартните пакети од 9 до 11 часот. 

Патеката по која ќе се трча почнува од плоштадот „Македонија“ кон портата „Македонија“, па во правец на Градската болница, новата зграда на МНР по мостот кај „Холидеј Ин“, покрај кејот на Вардар кон Археолошкиот музеј, плоштадот „Филип Втори“, Камениот мост, до целта на плоштадот „Македонија“.

Учеството во трката чини 199 денари, а секој натпреварувач добива стартен број и новогодишна капа. За првите 250 пријавени следува целосен дедомразовски костум, составен од палто, панталони, капа, ремен и брада. Учесниците кои немаат дедомразовски костум, треба да носат новогодишна капа и да бидат облечени во облека во црвена боја.

Покрај натпреварувачки, трката има и забавен карактер. Добродојдени за учество се сите старосни групи. Должината на патеката е 1,5 километар, можат да ја истрчаат и деца во придружба на родители. Пријавувањето е преку веб страницата www.prvdovrv.mk.

За победниците се предвидени награди, а на најсреќните учесници ќе им се исполнат новогодишните желби без оглед на резултатот и освоеното место. Пред и по трката се предвидени музичка програма и церемонија на прогласување на победниците.

Трката ја организира Град Скопје преку Конгресниот центар „Александар Македонски“ и Здружението „Прв до врв“, а нејзин главен поддржувач е Coca-Cola.

Ова ќе биде второ издание на трката во која учесниците се облечени во дедомразовски костуми, по ланската премиера.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.