Денеска сончево и топло – од понеделник заладување со повремен дожд

Времето  во Македонија ќе биде сончево и топло, попладне во западните делови со мала до умерена облачност и со слаб до умерен југоисточен ветер.

Утринската температура ќе се движи од минус еден до шест степени, а дневната од 18 до 24 степени.

Во Скопје ќе биде сончево со слаб до умерен југоисточен ветер. 

Утринската температура ќе достигне до четири степени, а дневната до 23 степени.

Во текот на следната работна недела ќе преовладува променливо облачно и посвежо време со врнежи од дожд со слаб, а во западните и јужните делови повремено ќе бидат со умерен интензитет. На повисоките планини можен е и повремен снег.