ВРЕМЕТО ДЕНЕС: Северен ветер и негативни утрински температури од -9 степени

Денеска времето во Македонија ќе биде променливо облачно со сончеви периоди, но и со пониски температури, соопшти Метеоролошката служба.

Претпладне, претежно во јужните делови на земјата, се предвидуваат услови за локален снег. Ветерот ќе биде слаб до умерен, а во Повардарието се очекува повремено засилување на ветерот од северен правец.

Утринските температури се очекува да се движат  од минус 9 до 0 степени Целзиусови, додека во текот на денот температурата ќе достигне меѓу минус 3 и 5 степени Целзиусови.

Во Скопје и околината денеска ќе биде студено и променливо облачно со сончеви периоди. Ветерот ќе биде слаб до умерен од северен правец. Температурата во текот на денот ќе се движи околу 2 степени Целзиусови.