Французите и туристите се повикани да одат вечерва во рестораните во земјата за да покажат дека не се плашат

Французите и туристите во земјата беа повикани да одат вечерва во рестораните во целата земја, за да им покажат на тој начин на терористите дека не се плашат од нив, јави ДПА.

Кампањата е под наслов „Сите во бистрото!“ и беше нарачана од францускиот гастрономски прирачник „Фудинг“.

Организаторите на кампањата имаат и свој симбол. Тоа е сликата „Мир за Париз“ на францускиот графички дизајнер Жан Жулиен.

На својот сајт, „Фудинг“ посочува дека организира кампања во спомен на жртвите во нападите од 13 ноември.