ХИТ КОЈ ГО ОСВОИ СВЕТОТ: Новата песна на Адел за една недела продадена во над милиони примероци

Новата песна на британската пејачка Адел, „Hello“ стана прва нумера во светот која во првата недела по објавувањето е продадена во повеќе од еден милион примероци.

Како што соопшти дискографската куќа „Нилсен Мјузик“, за една недела новата песна на Адел е продадена во 1,11 милиони дигитални копии.

Досегашниот рекорд на најдобро продавана песна во првата недела од објавувањето го држеше американскиот рапер Флоу Рајд, чиј хит „Right Round“ достигна продажба од 635.000 примероци.

„Hello“ се проби и на првото место на британскиот билборд топ 100. Ова е четврта песна на Адел што се најде на првото место на оваа листа по „Rolling In the Deep“, „Someone Like You“ и „Set Fire to the Rain“.

Песната „Hello“ е пилот сингл од новиот албум на Адел, „25“, кој ќе биде пуштен во продажба на 20 ноември.