Поврзи се со нас
Маркетинг

Популарно.мк

Излезни анкети: „Не“ во предност над „да“ на референдумот во Грција

Актуелно

Излезни анкети: „Не“ во предност над „да“ на референдумот во Грција

Последните истражувања на јавното мислење спроведени за време на референдумот и две излезни анкети по затворањето на избирачките места, покажуваат дека мнозинството Грци кои излегле на избирачките места ја заокружиле опцијата „не“.

Дел од западните медиуми пренесуваат резултати од две излезни анкети кои укажуваат дека „не“ е во предност, додека анкетите кои ги спровеле ГПО, Метрон Анализис и МРБ исто така укажуваат дека противниците на предлогот на кредиторите водат за три процентни поени.

Неколку минути по завршувањето на референдумот во Грција, локалните медиуми објавија прогноза на резултатите кои наведуваат дека Грците гласале против препораките на странските кредитори.

Шест водечки тв станици во Грција прогнозираат победа на опцијата „не“, додека социолозите кои гостуваат на локалните телевизии се согласни дека „општа проценка е оти на референдумот победува „не“.

Владиниот портпарол Гаврил Сакеларидис изјави дека грчката Влада сака да ги обнови преговорите со меѓународните кредитори неодложно, за да постигне договор, што ќе ја задржи Грција на површината, пренесе БТА.

– Преговорите кои ќе почнат мора да завршат многу брзо, за 48 часа, рече Сакеларидис.

Според проценките, непосредно пред истекот на гласањето, одѕивот на избирачите бил околу 65 отсто, исто како и на предвремените парламентарни избори, одржани во јануари годинава.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.
Please accept [renew_consent]%cookie_types[/renew_consent] cookies to watch this video.