Актуелно
МОН се подготвени за екстерното тестирање и државната матура
Министерството за образование и наука (МОН) е подготвено за полагањето државна матура и за екстерното тестирање, најави денеска заменик министерот за образование и наука Сприо Ристовски.
– Комплетно сме подготвени. Веќе се генерирани распоредите за полагањето на екстерното тестирање, а во завршна фаза ни се сите технички подготовки. На веб страницата на Државниот испитен центар јавно се понудени распоредите за екстерното тестирање и државната матура, рече Ристовски, одговарајќи на новинарско прашање на денешната прес-конференција во МОН.
