fbpx
Поврзи се со нас
Маркетинг

Популарно.мк

Најмногу дожд во Куманово, најстудено во Лазарополе

Актуелно

Најмногу дожд во Куманово, најстудено во Лазарополе

Најмногу дожд изминатите 24 часа наврна во Куманово, 44 литри на метар квадратен, а најмалку во Прилеп, три литри. 

Како што информира УХМР, до осум часот утрово водниот талог достигна 36 литри на метар квадратен во Пожаране, 29 во Пожар и Лазарополе, 26 во Маврово, 25 во Берово, Крива Паланка и Дојран, 21 во Крушево, 20 во Претор и Ѓуриште, 19 во Струмица, 18 во Штип, Гевгелија и Виница, 16 во Охрид, 15 во Скопје Петровец и Тетово, 14 во Битола, 11 во Скопје Зајчев Рид, девет во Демир Капија и осум литри во Тополчани.

Најстудено е во Лазарополе, еден степен, а максимални десет степени се измерени во Штип, Скопје, Струмица, Дојран, Гевгелија и Куманово. Во Тетово е девет степени, во Виница и Демир Капија осум, во Ѓуриште, Крива Паланка и Дебар седум, во Берово, Прилеп и Охрид шест, во Битола, Претор и Охрид, Тополчани и Пожаране пет, во Пожар четири, а во Маврово два степена.

Според УХМР, до крајот на денот врнежите ќе престанат. Ќе дува умерен, долж Повардарието повремено засилен северозападен ветер.

Утре се очекува променливо облачно време со повремен локален дожд и со умерен, долж Повардарието повремено засилен северен ветер. И во наредните денови ќе се задржи променливо облачно и релативно свежо време со повремени врнежи од дожд со послаб интензитет, а ќе има и услови за ретка појава на грмежи. До четврток ќе дува умерен, повремено засилен северен ветер.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.