ВРЕМЕНСКА ПРОГНОЗА: Облачно со повремен дожд со засилен северен ветер

Времето во Македонија ќе биде претежно облачно со повремени врнежи од дожд со послаб интензитет. Ќе дува умерен долж Повардарието повремено и засилен  ветер од северозападен правец.

Утринската температура ќе се движи од седум до 13, а дневната од 10 до 17 степени.

Во Скопје слично време, претежно облачно со повремени врнежи од дожд. Ќе дува умерен повремено и засилен северозападен ветер. Утринската температура ќе се спушти околу 11, а дневната ќе достигне до 14 степени.

И во следните денови ќе се задржи променливо облачно време. Ќе има и повеќе сончеви периоди, но ќе дува умерен повремено и засилен ветер од северен правец. Во среда максималната температура ќе се движи од 12 до 19, а во четврток со претежно стабилно време ќе се движи од 14 до 21 степен.