Поврзи се со нас
Маркетинг

Популарно.мк

Околу 250 деца во Македонија живеат без семејства

Вести

Околу 250 деца во Македонија живеат без семејства

Околу 250 деца во Македонија, од кои 70 се на возраст под три години, го немаат правото да живеат во семејна средина, покажуваат податоците на УНИЦЕФ.

Со цел да се изнајдат начини за обезбедување услови за секое дете во земјата да расте во безбедна и грижлива семејна средина денеска во Скопје ќе се одржи конференција на тема „За секое дете, семејство“.

На конференцијата ќе се говори за превентивните активности и поддршката на биолошките семејства и развивањето нови форми на згрижување и заложбата на Владата до 2020 година да се стави крај на сместувањето на деца без родители под тригодишна возраст во големи институции.

Учесниците на конференцијата ќе дискутираат за развивањето на системот на згрижувачки семејства, за инвестиции во подобрување на квалитетот на алтернативни решенија за грижа преку нивна стандардизација, вложување во рана детекција и рана интервенција, и вложување во самите деца преку зголемување на инвестициите во предучилишното образование и раниот детски развој.

На конференцијата ќе се обратат министерката за труд и социјална политика Мила Царовска, шефот на Делегацијата на Европската унија, Самуел Жбогар и претставникот на УНИЦЕФ, Бенџамин Перкс.

Конференцијата е во организација на Министерството за труд и социјална политика заедно со УНИЦЕФ, и на неа ќе учествуваат околу 300 учесници за да разговараат околу начините за забрзување на оваа реформа.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

Маркетинг
ДО ВРВ
error: Содржината е заштитена со авторски права.