ПЛОШТАДИТЕ СЕ ПОЛНАТ: Новогодишна еуфорија пред најлудата ноќ во годината

Сѐ е подготвено за дочекот на новата 2018 година на плоштадот „Јадран“ во Скопје, Битола, Охрид но и низ целата република.

Низ кафулињата во текот на целиот ден се слуша музика, а граѓаните ги користат последните моменти од 2017 за да се подготват за дочекот на најлудата ноќ во годината.

Во главниот град новогодишната програма ќе почне во 21 часот, а граѓаните ќе ги забавуваат Некст Тајм, Ај Кју, Тамара и Кристина Арнаудова.

Градските власти и полицијата апелираат граѓаните да се воздржат од употреба на петарди на новогодишната ноќ. За време на пречекот, во центарот на Скопје ќе има зголемено присуство на полиција.

На пречекот на Новата година времето ќе биде ведро и стабилно.

Во понеделник, на првиот ден од новата година, утринската температура ќе биде од минус пет до еден степен, а дневната од шест до 13 степени. Од понеделник попладне облачноста ќе се зголемува, а во вторник се очекува да има повремени врнежи од дожд, а на повисоките планини од снег.

Затоа облечете се добро и со убава забава прославете ја новата 2017 година.